|
د ارواښاد
استاد محمد ابراهيم
خواخوږی پيژندګلوي
ارواښاد محمد ابراهيم
خواخوږی
د دُرمحمد خان زوي په ١٩٢٠ ز کال د فبروري د مياشتي په ٢٨ نيټه د کندهار ولايت
په ماله جات کي زيږيدلي وو.
ارواښاد خواخوږی په ١٩٢٦ ز کال ښوونځي ته شامل او د متوسطه دوري له فراغت نه
وروسته د لوړو زده کړو لپاره دارالمعلمين ته شامل سو او په
١٩٣٨ ز کال کي فارغ او د حبيبيي په عالي ليسي کي د ښوونکي په توګه مقرر سو.
د استاد خواخوږی لمړني شعر په ١٩٣٤ ز کال کي د کندهار د طلوع افغان په ورځپانه
کي خپور سو.
ارواښاد خواخوږی په ١٩٤٦ ز کال د کندهار دکوکران د ليليي ښوونځي ښوونکي او
تدريسي آمر وټاکل سو.
په ١٩٤٨ ز کال کي د کندهار د احمدشاه بابا ليسي د مدير په توګه وټاکل سو.
استاد خواخوږی د افغانستان د ويښ ځلميانو د سياسي تحريک د پيل څخه په سياسي
مبارزاتو کي فعال ګډون درلود.
ارواښاد خواخوږی په ١٩٥٠ ز کال کي د دولت لخوا د ويښ ځلميانو د سياسي هلو ځلو
په تور ونيول سو او زنداني سو.
ارواښاد
خواخوږی د زندان د خلاصيدو نه وروسته په شخصي کار پيل وکړ
او په ١٩٦٥ ز کال کي ارواښاد جبراً کابل ته واستول سو او په پښتو اکاډمي کي د
مسلکي غړي په توګه وګمارل سو.
په ١٩٥٧ ز کال کي د راډيو افغانستان د نشرياتو د مراقبت د څانګي د مدير په توګه
او د حبيبيي په عالي ليسي کي د پښتو ښوونکي په توګه کار کاوه.
په ١٩٥٩ ز کال کي د راډيو افغانستان د رياست د معاون او په استقلال ليسي کي د
تاريخ دښوونکي په توګه مقرر سو.
په ١٩٦٠ ز کال کي د پوهني ننداري د رياست د معاون په توګه او د نادريي په ليسي
کي د تاريخ د ښوونکي په توګه خپلي دندي ته ادامه ورکړه.
په ١٩٦٣ ز کال کي د مطبوعاتو د وزارت د ادبياتو د لوي آمر په توګه وګمارل سو.
په ١٩٦٦ ز کال کي د اطلاعاتو او کلتور د وزارت د کتاب خپرولو مؤسسي د رئيس په
توګه وټاکل سو.
ارواښاد محمد ابراهيم
خواخوږی په ١٩٦٦ ز کال کي د ارواښاد محمد هاشم ميوندوال
سره په مترقي دموکرات ګوند کي خپل سياسي هلي ځلي ته دوام ورکړ.
په ١٩٦٧ ز کال کي د افغانستان د عامو کتابخانو د رئيس په توګه مقرر سو.
په ١٩٧١ ز کال کي د افغانستان د اکاډمي د پښتو د تقويي او پرمختيا د رئيس په
توګه مقرر سو.
په ١٩٧٣ ز کال کي جبراُ تقاعد ته سوق سو.
ارواښاد استاد محمد ابراهيم
خواخوږی د ١٩٩٢ ز کال د اکتوبر د مياشتي په ٢٤ نيټه
د هغي ناروغي له امله چي ور پيښه وه په کابل کي وفات سو.
ارواښاد خواخوږی په ١٩٤٤ ز کال کي د تعليم او تربيي مسلکي کورس او په ١٩٦٢ ز
کال کي د ژورناليزم کورس مؤفقانه سر ته ورساوه.
په ١٩٦١ ز کال کي د افغان چين د دوستي ټولني غړي، په ١٩٦٩ ز کال کي په
افغانستان کي د يونيسکو د ملي کميسيون د غړي په توګه منتخب سو.
استاد خواخوږی نه يواځي بادرده شاعر، ليکوال او ژورنالست وو بلکه د وطن د نوي
نسل په روزنه او ويښتابه کي يي هم برخه اخيستي وه.
ارواښاد خواخوږی ته په ١٩٦٥ ز کال کي د اعليحضرت همايوني محمد ظاهر شاه د حضور
لخوا د مينه پال دوهمه درجه نشان او په ١٩٦٩ ز کال کي د مينه پال مطلا نشان
ورکړه سوي ؤ.
ارواښاد خواخوږی په ١٩٧٣ ز کال د سعودي عرب د باچا ارواښاد ملک فيصل په بلنه د
حج مبارکه فريضه ادا کړه.
استاد خواخوږی د ګران هيواد افغانستان حساس ليکوال، بادرده شاعر او سياسي
پيژندل سوي چهره وه.
ارواښاد الحاج محمد ابراهيم
خواخوږی د ١٣٧١ ل کال د لړم د مياشتي په ٣ نيټه چي
د ١٩٩٢ ز کال د اکتوبر د مياشتي د ٢٤ نيټي سره سمون خوري د زړه د ناروغي له
امله چي ورته پيښه وه د کابل په نوي ښار کي د (٧١) کالو په عمر وفات سو.
هو!
اوس چي په
ګران هيواد کي د نوي څپو وړانګي د ورايه څرګنديږي او د
خواخوږی خوبونه په رښتيا
بدليږي نو د ارواښاد
خواخوږی د٧١ کلن عمر ٣٥ کاله د هيواد د اولادونو په روزنه
او ويښتابه کي تير کړي دي له دغه امله ارواښاد
خواخوږی د هيواد پر اوسني نسل
باندي د نمانځني حق لري او په دي ارزي چي په ښه نام او نيکه دعا ياد
سي.
}
لوي خداي
(ج)
دي پر ورحميږي
{
د ارواښاد استاد
خواخوږی څخه
لاندي آثار پاته سوي دي.
١- د ميني وږمه (د اشعارو ټــــولګه)
٢- حکايت نه دي حقيقت او درد
دي
٣- يــــــــــوه
ژړونــــــــکي منــــــــــظــــــــره
٤-
مـــــرغـــــــــــــــــلره او نــــــــور خـــــــان
٥- شيــــــن
خـــــــــالــــي او ګلالـــــــــــي
٦- د ګوستاولوبــــون لنډي
خبــــــري
٧- دوه ځـــــــوانــــي
مـــــــرګ مـــــــينان
٨- د اشـــعارو دوهمـــــــه
ټـــولـــــــــــګه
٩- د اشــــــعـــــارو درييـــمه ټولــــــــــګه |
